საქართველო მუქი წითელი ზონიდან წითელ ზონაში გადადის

ბულგარეთის რესპუბლიკის ჯანდაცვის მინისტრის 2022 წლის 9 მარტის ბრძანების თანახმად, 2022 წლის 10 მარტიდან საქართველო გადავიდა "წითელ ზონაში".

საქართველოდან მომავალ პირებს შეეძლებათ ბულგარეთის რესპუბლიკის ტერიტორიაზე შემოსვლა შემდეგი დოკუმენტებიდან ერთ-ერთის წარდგენის შემთხვევაში:

• ვაქცინაციის სრული კურსის ჩატარების დამადასტურებელი სერტიფიკატი;
• COVID-19-ის გადატანის დამადასტურებელი დოკუმენტი;
• ან ბოლო 72 საათის განმავლობაში ჩატარებული PCR ტესტი, ნეგატიური შედეგით.

ბულგარეთის რესპუბლიკის ტრანზიტულად გავლა ნებადართულია თავისუფლად, ზემოჩამოთვლილი დოკუმენტების (არც ერთი მათგანი) წარდგენის მოთხოვნის გარეშე.